Prinsessan verður 6 vikna á föstudaginn og var í 6 vikna skoðuninni í dag.  Hún er heldur betur búin að vaxa og dafna og er núna orðin 55,5 cm og 4335 gr.  Hún var rosalega dugleg, róleg og grét ekki neitt þó að læknirinn væri að fikta í henni, hún brosti og bara og pissaði á borðið. 

Læknirinn athugaði að allt væri á sínum stað, hlustaði hana, kíkti í eyrun og munninn og hrósaði henni í hástert, ekki að ég sé að monta mig eða neitt þannig en hann sagði að hún væri hin fínasta stúlka og fengi hæstu einkunn

Silja María er alltaf að koma okkur á óvart en hún er byrjuð að hjala við foreldra sína, heldur næstum því alveg haus og gerði tilraun áðan til að setjast upp!!! Gekk ekki alveg, en hún reyndi þrisvar þrátt fyrir það.

Svo skráðum við Silju María í ungbarnasund með vinkonu sinni, Ingu Bríeti, en þær stöllur stinga sér til sunds þann 15. ágúst

Ég stefni á það að setja inn mynd af henni daglega... EF þið verðið dugleg við að kommenta og/eða skrifa í gestabókina