... takk fyrir allt dótið sem þið gáfuð mér frá Flórída. Þökk sé ykkur þá verð ég aðal skvísan í bænum í sumar

p.s.
Góða ferða Amma, Afi, Siggi og Óskar... ég hefði sko alveg getað farið með ykkur... á geðveikt flott sólgleraugu í stíl við sundfötin mín...

Hún mamma mín á afmæli í dag og mig langaði til að segja ykkur hvað hún er frábær.
Það er ekkert sem hún gerir ekki fyrir mig, sama hversu þreytt hún er þá hefur hún alltaf orku í að knúsa mig og sama hversu mikið hún er að flýta sér þá hefur hún alltaf tíma til að sinna mér. Mamma mín er sko best í heimi og ég hlakka rosalega til að sjá hana í kvöld, kyssa hana og segja henni það.

Ég vona að þú hafir það rosalega gott á afmælisdaginn þinn mamma mín, því ef einhver á það skilið þá ert það sko þú 

p.s. Pabbi elskar þig líka rosalega mikið og var eitthvað að tala um að hann vildi líka koma einhverri afmæliskveðju til þín

p.p.s Pabbi neitar að gefa mér morgunmat nema ég segi þér að hann elskar þig líka rosalega mikið og hlakkar líka til að sjá þig

Hún er gjörsamlega sætust... ekki það að ég sé hlutdrægur eða neitt svoleiðis

´

Jæja þá eru allar myndir komnar inni í myndaalbúmið. Ég er búin að setja inn 7 ný myndaalbúm og þar má meðal annars finna myndir úr myndatökunni hennar Silju Maríu í byrjun des, myndir frá jólum og áramótum, myndir frá Lundúnarferð okkar Kjartans og margt fleira. Endilega kíkið

Þá er Silja María alveg að verða 8 mánaða og tíminn er búinn að fljúga áfram. Hún er á mjög skemmtilegum aldri þar sem hún er farin að skilja ýmislegt sem er sagt við hana. Hún er byrjuð að klappa, vinka, sýna hvað hún er stór, frussa og margt fleira. Svo setur hún oft upp svona prakkara svip eins og sést á myndinni. Silja er svolítil mömmustelpa núna, ef hún sér að ég er nálægt þá vill hún bara vera hjá mér. Pabbi hennar verður þá soldið sár en lætur hana ekkert komast upp með svoleiðis rugl hehehe....Hún er farin að skríða út um allt og ef hún vill láta taka sig upp skríður hún að mér og tosar í buxurnar mínar . Hún er samt voðalega góð alltaf og unir sér vel með dótið sitt. Hún er enn bara með tvær tennur en mér sýnist að það sé alveg að fara að koma tennur uppi. Hún er farin að borða hvað sem er og við erum dugleg að láta hana smakka á því sem við erum að borð. Hún fékk nú að bragða á ansi miklu um jólin eins og súkkulaði og kökum hmmmm....Silja er líka mjög dugleg að fara að sofa á kvöldin, nema þegar einhver er að passa hana heheh.....Hún er yfirleitt farin að sofa á milli 8 og 9 og vaknar ekki fyrr en um 10 á morgnana, mjög gooooottt. Svo er hún farin að leggja sig tvisvar yfir daginn, í rúmlega klst í einu sem er eiginlega betra heldur en einu sinni. Þá verður hún ekki eins þreytt um eftirmiðdaginn. Ég ætla að fara að vinna í febrúar þannig að við ætlum að senda Silju til dagmömmu þangað til hún fær inn á leikskóla. Við erum líklega komin með eina en fáum að vita það betur fljótlega. Það verður örugglega soldið skrítið að fara að vinna aftur og þurfa að setja Silju í pössun . En hún er svo góð og meðfærileg að það verður örugglega í góðu lagi. Við ætlum að byrja á nýju sundnámskeiði núna í janúar með Ingu Bríeti og það verður mikið fjör. Silja fer í skoðun 15. janúar og það verður gaman að sjá hvað hún er búin að stækka mikið á síðustu tveim mánuðum.

Fullt af myndum bíða þessa að verða settar á netið en það er búið að vera smá tölvuvesen á heimilinu. Þær koma inn mjög fljótlega.

bæb

Hún Silja María var að ljósmyndafyrirsætast og okkur Kristínu langaði að deila með ykkur einni sætri mynd af jólaprinsessunni.

Komnar inn nýjar myndir enda ekki seinna vænna . Á myndinni hér að ofan er Silja María að horfa á stubbana. Henni finnst þeir geðveikt fyndnir eins og sést á myndinni. Fleiri myndir í albúminu.....

hæ hó

Það er bara allt gott að frétta af Silju Maríu. Hún er orðin ansi hreyfanleg og farin að fara út um allt. Hún snýr sér og ýtir sér aftur á bak og er fljót að því þannig að maður má ekki taka augun af henni. Hún var í myndatöku í gær og var alveg yndisleg, gerði allt sem ljósmyndarinn vildi hehehe...Svo er það nýjasta, þessi svipur eins og sést á myndinni hér að ofan, algjört rassgat . Hún er alltaf hress og kát og er farin að segja allskonar hljóð en ekki mamma . Alltaf þegar hún fær að borða segir hún namm namm, ótrúlega sætt. Hún er algjört matargat. Svo höldum við að hún geti sýnt okkur hvað hún er stór. Alla vega þegar við segjum "hvað ertu stór" þá setur hún hendurnar saman og lyftir þeim upp hehehe..Svo var síðasti sundtíminn í gær fyrir jól og nýtt námskeið byrjar í janúar, spurning hvort maður skelli sér á það. Við ætlum að reyna að fara með hana eitthvað í sund um jólin  með Ingu Bríeti og halda því við sem hún er búin að læra.

Erum búin að taka fullt af myndum og næsta albúm verður því stórt. Kemur inn fljótlega......

Svo er stóri dagurinn hjá mér á morgun. Hlakka mjög mikið til að klára þetta svo ég geti komist í jólaskap og farið að gera jólalegt heima og baka .

Það var ekki fleira í bili...

bæb

Silja María er orðin rosalega dugleg að sitja eins og sést á myndinni hér fyrir ofan. Hún er líka búin að þróa með sér tungutrix hehe... Hún getur snúið upp á tunguna í sér . Hvorki ég né pabbi hennar getum þetta en komumst að því að Erla frænka hefur greinilega verið að kenna henni þetta og eru nokkrar myndir til af þessu. Hún er líka byrjuð að fara út um allt á teppinu sínu sem nær yfir hálft stofugólfið og er oftar en ekki komin út af því. Hún er strax byrjuð að tæta úr hillunum hjá okkur og komst í playstation tölvuna hans pabba síns um daginn og fannst það mjög spennandi .

Tvö ný myndaalbúm komin inn...

bæb

Jæja þá eru það nýjustu fréttir að Silja María er byrjuð að lesa...

Nei bara smá djók hehehe....hún er bara svo fyndin með þessa bók. Ótrúlegt hvað þessir stubbar eru alltaf vinsælir, hún skríkir alltaf þegar hún sér þá, voðalega fyndnir . En daman var í skoðun í morgun og er orðin 68cm og 7190g. Hún er búin að vera með niðurgang í nokkra daga og oft á dag þannig að hún hefur ekki þyngst mikið . Hún kvartar ekkert yfir þessu litli engillinn en er orðin ansi rauð á bossanum. Svo er enn þá að koma upp úr henni en við eigum víst ekki að hafa áhyggjur, þetta er bara eitthvað tímabil sem gegnur vonandi fljótlega yfir. Svo fékk hún sprautu og fór smá að gráta en var fljót að jafna sig. Silja María er mikið búin að vera í pössun hjá ömmu sinni og afa á Kvisthaganum svo að ég nái að klára þetta blessaða lokaverkefni. Á að skila í næstu viku og get ekki beðið. Þá er bara vörnin eftir 7. des og þá er þetta sem betur fer búið og mamman getur aftur farið að knúsa litlu stelpuna sína.....

Nýjar myndir komnar inn

bæb