Anna og Andri eignuðust prinsessu í gærkvöldi og viljum við óska þeim innilega til hamingju með litlu snúlluna. Öllum heilsast vel og hlökkum við til að kíkja í heimsókn .

Knús og kossar frá öllum í Perlukórnum...

Það virðist vera að sumir sem biðja um aðgang að myndasíðunni fái ekki lykilorðið sent í pósti þó að ég sé búin að samþykkja þá. Ef svo er, þ.e. að einhver er ekki búin(n) að fá lykilorðið þá endilega senda inn aðra beiðni .

Gærdagurinn var stór dagur hjá fjölskyldunni í Perlukórnum. Silja María og Kjartan vorum bæði á leiðinni í sitt fyrsta hlaup :o)

Silja María var skráð í Latabæjarhlaupið og Kjartan í 10km í Maraþoni Glitnis.

Kjartan var að hlaupa í þágu MND félagsins og Silja María fyrir Unicef og saman náðu þau að safna 76.300 krónum. Silja María hljóp (labbaði) með mér og fékk að launum þennan fína verðlaunapening. Eftir það var farið í bæinn og rölt um í veðurblíðunni. Þegar það fór að kvölda þá fórum við ásamt Tedda, Erlu, Herborgu, Bjössa, Ingu Bríeti ofl. á Miklatún og hlustuðum á tónleikana.

Við ákváðum að læsa myndaalbúmunum þannig að þeir sem vilja kíkja á myndir endilega sendið okkur beiðni um aðgang. Fullt af myndum koma svo inn í dag...

Bless í bili