Krúsímús

Þá er daman orðin mánaðargömul. Í tilefni dagsins fóru mamma og pabbi í BabySam og keyptu leikföng handa prinsessunni. Hún fékk óróa með tónlist og fígúrum sem henni fannst voða sniðugur , sokka með fígúrum og leikföng til að festa á ömmustólinn eins og sést á myndinni. Ekki var nú mikil orka til að leika og steinsofnaði hún í ömmustólnum....

Við fórum niður í VISA að sýna snúllunna og monta okkur aðeins heheh...Kjartan á að mæta í vinnuna aftur á morgun en vinnur bara fyrir hádegi næstu fjóra mánuðina og verður því alltaf komin heim þegar við mæðgurnar erum að vakna . Við kíktum líka til langafa sem var voðalega glaður að sjá hana Silju Maríu sína. Hún var hin ánægðasta og brosti meira að segja til langafa síns.

Amma Lella og Langamma Dídí voru í heimsókn áðan og komu færandi hendi.  Silja María fékk Ömmustól og voða skemmtileg og litrík armbönd með hringlum í.  Hún fékk að máta þau áðan og er alveg dolfallin eins og myndirnar tvær sýna.

Hún Silja María setur alltaf upp svo fyndin svip þegar hún vill fá að borða.  Okkur langaði að deila honum með ykkur

Þá var litla daman skírð í gær og fékk hún nafnið Silja María sem er í höfuðið á báðum ömmunum. Silja er stytting á nafninu Sesselja sem er föðuramman og María er móðuramman. Hún er bara mjög sátt við nafnið sú stutta og svaf næstum alla skírnina og veisluna. Allt heppnaðist mjög vel og ömmurnar voru hissa  en mjög sáttar við nöfnuna. Við viljum þakka öllum sem voru með okkur í gær og fyrir allar fallegu gjafirnar sem Silja fékk .  Einnig viljum við þakka fyrir allar kveðjurnar. Myndir úr skírninni koma fljótlega inn, ásamt öðrum myndum .