Hæ hæ

Það er heilmikið að frétta af fjölskyldunni í Perlukórnum. Silja María fór með ömmu (Maju) sinni og afa (Rúnari) í sumarbústað  í Fellskoti frá 1. júlí til 5. júli og fannst rosalega gaman. Hún fór með þeim í dýragarðinn í Slakka, í sund, bíltúra, göngutúra, á Flúðir og fl. Þann 5. júlí fór hún svo í bústaðinn til hinnar ömmu sinnar og afa (sem var rétt hjá) og var þar helgina 5. júlí til 8. júlí meðan mamma og pabbi fóru í brúðkaup í varmahlíð. Silju Maríu finnst rosalega gaman að vera í sveitinni og finnst dýrin rosa spennandi. Við foreldrarnir fengum að kynnast því þegar við fórum með hana í fyrsta skipti í húsdýragarðin. Hún var svo spennt að hún titraði hehehe.... Henni var nú samt ekkert um það þegar haninn galaði við hliðina á henni . Ég er komin í sumarfrí svo að við mæðgurnar erum búnar að spóka okkur í verðurblíðunni. Við erum búinar að fara á laugaveginn, sund, garðinn hjá ömmu og afa á Víkurbakkanum (amma er líka í sumarfríi), göngutúra og fl. skemmtilegt. Silja María elskar að vera úti og ekki annað hægt þegar verðrið er svona gott. Silja er alltaf að læra eitthvað nýtt er komin á það tímabil að það er hægt að segja henni að gera eitthvað og þá gerir hún það. Ég ætlaði að kenna henni að senda fingurkoss og sýndi henni það einu sinni og hún bara gerði það strax og núna sendir hún fingurkossa til allra hehehe... Hún er líka alltaf að læra ný orð og liggur við að það komi nýtt orð á hverjum degi. Það er alveg æðislegt að fylgjast með henni og hún vekur lukku hvar sem hún kemur . Svo erum við að fara til Danmörku næstu viku og hlökkum við mikið til að fara með prinsessuna til útlanda. Herborg og Bjössi eru úti núna og Herborg sendi mér sms um daginn og sagði að Inga Bríet hefði verið að spyrja um Silju Maríu (ótrúlega krúttlegt). Þær eiga eftir að skemmta sér vel saman.

Nýjar myndir komnar inn

Bless í bili...

Hæ hæ

Silja María er orðin algjör útistelpa enda alltaf úti að leika hjá dagmömmunni. Hún er farin að tala aðeins meira og segja hææ við alla sem hún hittir, hvort sem hún þekkir þá eða ekki . Hún er komin með 4 jaxla stelpan og á því ekki í neinum vandræðum með að tyggja matinn sinn. Við erum búin að koma okkur ágætlega fyrir í Perlukórnum en enn á sitthvað eftir að gera. Silju Maríu líkar mjög vel að vera í Kópavoginum og er á biðlista eftir að komast á leikskólann Baug sem opnar í ágúst. Svo ætlum við fjölskyldan að skella okkur til Köben. Herborg, Bjössi og Inga Bríet verða úti á sama tíma þannig að það verður örugglega rosa gaman hjá okkur . Við ætlum í tívolí, dýragarðinn og auðvitað fara á strikið.

bless í bili....

Eins og myndin hér að ofan og sú fyrir neðan sýna þá fékk hún Silja María bita af kókosbollu mömmu sinnar á 17. júní - Silju til mikillar gleði og hamingju...

Jæja - þá er Pabbi búinn að redda netinu, laga símann sinn þannig að hann geti sent myndir aftur og mamma búin að bæta við einu myndaalbúmi... jei!!

Jæja þá erum við alveg að fara að flytja í Perlukórinn. Búið er að parketleggja og ætlar flísarinn að byrja í dag og klára um helgina. Næsta vika fer því í flutninga. Við eigum ekki að afhenda okkar íbúð fyrr en 1. júlí þannig að ekkert stress er í gangi. En því fyrr sem við afhendum því fyrr fáum við peningana okkar .

Silja María er orðin rosalega dugleg að labba og er eiginlega alveg hætt að skríða. Hún vill helst bara alltaf labba og er orðið erfitt að halda henni í kerrunni og það má ekki alltaf halda á henni hehehe...Svo klippti ég hana um daginn því hún var komin með hár niður á bak sitt hvoru megin við eyrun en ekki að aftan. Það er ekkert smá hvað hún breyttist bara við þessa smá snyrtingu .

Silja María fór í 1 árs skoðun í dag og vó 8640g og er enn einni kúrfu undir meðalþyngd. Hún var 75cm að lengd sem er ákkúrat á kúrfunni. Hún fékk spraut og fór ekkert að gráta enda orðin 1 árs hehehe...Ég læt hér fylgja með tvær myndir úr afmælinu. Sú neðri er frekar fyndin og mætti halda að Silja María væri komin á gelgjuna. Ég vona nú að það verði samt ekki í bráð . Hún var voðalega fín í kjólnum sínum og var með veskið á sér allan tíman hehe..

Afmælismyndir alveg að fara að koma inn....

Þá er skvísan orðin 1 árs og einum degi betur. Hún byrjaði á því að vekja foreldra sína kl 6 á afmælisdaginn og við drösluðumst fram úr til að undirbúa daginn. Hún hefur greinilega vitað að það var stór dagur framundan. Nóg var að gera því við áttum von á 40 manns kl 13. Við ákváðum að bjóða bara nánustu ættingjum og barnafólki þannig að ykkur sem var ekki boðið þurfið ekki að örvænta heldur leggjast bara í barneignir og þá sjáumst við að ári . Kjartan var reyndar allan morguninn að redda gólfefnum á nýju íbúðina þannig að ég og Lella sáum um að gera allt klárt fyrir afmælið, auk þess sem að mamma sá um að útbúa pasta fyrir gestina. Afmælisveislan heppnaðist vel og Silja María var hin ánægðasta. Hún fékk ótrúlega mikið af fallegum gjöfum sem við þökkum kærlega fyrir.

Eins og flestir hafa lesið hér á síðunni er Silja María aðeins byrjuð að ganga. Þegar flestir gestirnir voru farnir úr afmælinu var hún eitthvað að leika á stofugólfinu og gerði sér lítið fyrir, stóð upp og labbaði bara alla leið inn í eldhús eins og hún hafi aldrei gert neitt annað! Það litu allir hver á annan og fóru að skellihlæja. Nú labbar hún svona lengri vegalengdir en vill helst samt hafa hendi til að halda í enda er það miklu öruggara enn þá .

Svo svona smá saga í lokin. Við fórum í Bónus á fimmtudaginn að versla fyrir afmælið og þegar ég er að taka upp úr pokunum sé ég pakka af svínateningum (svína krafti). Ég spyr Kjartan hvort hann hafi eitthvað verið að spá í að elda eitthvað með svínabragði en hann kannaðist ekkert við það. Þá mundi ég eftir því að þegar við vorum að bíða í röðinni á kassan vorum við við hliðina á súpunum og því öllu og Silja María var eitthvað að teygja sig í þetta. Þannig að líklegasta skýringin er sú að hún hafi sett þetta í körfuna. Hún verður augljóslega efnileg í innkaupunum enda byrjar snemma. Ekki veit ég samt hvað ég á að gera við þessa teninga enda aldrei keypt svona áður. Ég elda kannski bara eitthvað handa Silju Maríu úr þessu hehehehe...

Afmælismyndir koma inn fljótlega....

Pabbi minn er að fara að verja lokaverkefnið sitt á eftir og vona ég að honum gangi alveg rosalega vel. Veit að hann á eftir að rúlla þessu upp . Svo voru mamma og pabbi að kaupa íbúð í Perlukór í morgun og eigum við núna 2 íbúðir, ekki slæmt það. Vonandi verðum við þó búin selja Leirubakkann á mánudaginn. Nú þarf bara að henda gólfefnum á Perlukórinn og þá getum við flutt inn. Ég fæ stórt herbergi sem mamm ætlar að gera fínt fyrir mig.

Bless í bili......

Þá er Silja María að verða 1 árs og verður haldið upp á það með afmælisveislu á laugardaginn. Ég trúi því varla að það sé komið ár frá því að ég lá uppi á fæðingardeild . En svona er tíminn víst fljótur að líða og áður en maður veit af verður hún flutt að heiman hehehe... Hún er orðin rosa dugleg að labba og er orðin mjög stöðug. Hún fer nú samt enn þá um á hjánum ef hún þarf að fara langt en labbar ef hú þarf að fara stutt . Svo er hún líka rosalega ánægð hjá dagmömmunni og hrifin af krökkunum. Hún meira að segja er ekkert á því að koma heim þegar ég kem að sækja hana hehe... Uppáhalds orðið hennar þessa dagana er krakkar. Svo er ótrúlega fyndið að þegar hún sér eitthvað sniðugt þá segir hún alltaf vááá með svona kaldhæðnistón (veit ekki alveg hvernig ég á að lýsa því betur). Hún segir líka fullt af orðum eins og mamma, pabbi, tikk takk (klukkan), datt, dudda og eitthvað fleira sem ég man ekki núna. Hún talar rosalega mikið og eiginlega alltaf kjaftandi þannig að maður þarf örugglega að svara mörgum spurningum í framtíðinni hehehe...