Eins og flestir vita er Silja María að verða stórasystir í apríl og fengum við að vita í sónar í gær að það verður strákur 
. Silja talaði alltaf um stelpuna í bumbunni en þegar við sögðum henni í gær að þetta væri strákur var hún alveg sátt og talaði ekki um annað en litla bróður sinn, litla krúttið. Hún var líka mjög spennt fyrir sónarmyndunum og var með þær í umslagi allan daginn og vildi helst ekki sleppa þeim, hún var með litla bróður í umslaginu hehehe... Ég leyfði henni að velja eina mynd sem hún mátti eiga. Hún var ekki lengi að því og setti hana á myndatöfluna sína þar sem hún er með nokkrar myndir af sér og fleirum. Svo í morgun vildi hún taka myndina með sér í leikskólann 
. Hún fékk lítinn glæran poka og setti myndina í og ætlaði svo að geyma hana í bílnum. Þegar við fórum í 12 vikna sónarinn og vorum að sýna henni myndirnar var hún ekki eins spennt en spurði hvort barnið kæmi í pósti af því að myndirnar voru í umslagi hehehehe... Hún er greinilega orðin spenntari með að eignast lítið systkini og efast ég ekki um að hún eigi eftir að verða góð og stjórnsöm stórasystir....
Silja María byrjar í aðlögun á Kór 1. des. Við erum búin að sýna henni leikskólann og alltaf þegar við keyrum fram hjá segir hún " mamma þarna er nýji leikskólinn minn". Þannig að hún veit að hún er að fara á annan leikskóla en ég veit ekki alveg hvort hún gerir sér grein fyrir að hún þurfi að hætta á Urðarhóli, það kemur í ljós.
Annars erum við bara að komast í jólaskap á þessu heimili, búin að kaupa allar jólagjafir og jólakortaframleiðslan hafin. Jólaserían fer svo líklega út á næstu dögum og bakstur að hefjast 
.
Kjartan verður á rjúpu alla helgina, fer á fimmtudag, svo að við verðum bara tvær í kotinu. Ætli helgin fari ekki í búðarráp, tiltekt og kannski smá bakstur þar sem húsbóndinn á nú afmæli á mánudag.
Sónarmyndirnar af prinsinum koma inn fljótlega (þegar Kjartan nennir að skanna þær inn hehe..)
