Samtal milli mín og Silju Maríu

Mamman: Silja eigum við að baka bollur núna?
Silja María: Nei mamma mig langar ekki í bollur
Mamman: En pabba langar svo í bollur
Silja María: En ég vill ekki bollur, ég vil bara köku
Mamman: Veistu ekki hvaða dagur er í dag Silja?
Silja María: Nei
Mamman: Það er bolludagur í dag
Silja María: Nei mamma, það er kökudagur í dag

Í fréttum er þetta helst....

Silja María er búin að eignast fullt af nýjum vinum á Kór. Hérna er mynd af henni með vinkonu hennar henni Sóley. Við fengum disk með myndum frá starfi Kórs í desember og við vorum að ljúka við að setja þær myndir inn.

Nýjasta trendið hjá henni Silju Maríu eru hlutverkaleikir. Hún  er farin að taka upp á því að gefa fólki nöfn eða skipta um hlutverk við það. Til dæmis er mjög vinsælt hjá henni að vera Solla Stirða, þykjast vera að detta og kalla á Íþróttaálfinn (sem er þá pabbi hennar) að bjarga sér. Henni finnst líka rosa sport að vera Mamma. Þá er Kristín látin vera Silja María og "Mamma" segir henni hvernig hún á að gera hitt og þetta, hvað hún megi borða osfrv...

Kjartan gaf henni nýjan Söngvaborgardisk um daginn og hann er búinn að vera á "repeat" síðan hann kom í hús. Silju Maríu finnst fátt skemmtilegra en að hlusta á hann syngja með og dansa... Henni finnst skemmtilegast þegar við foreldrarnir dönsum við hana en hún hoppar og skoppar upp um alla veggi hvort sem við tökum þátt eður ei... Alveg spurning um að fara setja hana í dansskóla?