Þá er fjölskyldan í Perlukórnum komin aftur í góða veðrið á Íslandi. Við vorum tvær vikur í kanaveldi ásamt ömmu Lellu og afa Billa og það verður að segjast að þetta sé besta frí sem við höfum farið í. Flogið var til Boston frá Keflavík þar sem snjóstormur tók á móti okkur og á tímabili var tvísýnt um að við myndum lenda. Þetta hafðist nú allt á endum og við eyddum fyrstu nóttinni okkar vel þreytt á Hilton hótelinu á flugvellinum í Boston. Silja María var rosalega dugleg í flugvélinni - eiginlega of dugleg, því hún fór ekki að sofa fyrr en vélin lenti, okkur foreldrunum til mikillar gleði og hamingju.
Daginn eftir var flogið til Orlando og gekk sú flugferð rosalega vel. Silja svaf alla leiðina í fanginu á mömmu sinni og vildi ekki taka það í mál þegar við reyndum að skipta.
Í Orlando gistum við á The Florida Mall hotel. Það var ekkert rosalega leiðinlegt að hafa verslunarmiðstöð á jarðhæð og mældum við gangana alla dagana sem við vorum þar.
Við fluttum svo í einbýlishúsið okkar. Með sex svefnherbergjum, sundlaug, pool borði ofl
það var æðislegt!
Fórum í Disney World, Universal, outlettin og minigolf... og gerðum þessa almennu túristahluti (drukkum bjór og lágum í sólbaði).
Myndirnar eru komnar inn og tala sínu máli.
. Ég mætti svo með hana í morgun og hún arkaði þarna um eins og hún hefði hvergi annars staðar verið. Deildin hennar heitir Skýjahóll og vill svo til að Iðunn Ösp sem var með henni hjá Boggu dagmömmu er á sömu deild. Í dag vorum við í ávaxtastund, íþróttum og útiveru. Amma Lella kom svo og sótti skvísuna svo að ég gæti farið í vinnuna. Á morgun á hún að vera án foreldra til hádegis og held ég að það eigi eftir að ganga vel.
